Epilepsia është një sëmudje që prek më shumë fëmijët dhe ndërsa duhet të përmendim shkaqet, duhet të themi se disa prej tyre janë ende të pashpjeguara. Mjekët shprehen se fëmijët më të rrezikuar janë ata nga mosha 5-9 vjecare.

Cilat janë shkaqet e epilesisë?

Edhe pse më së shumti ato ngelen të pashpjegueshme, disa faktorë që mund të ndikojnë në shfaqjen e këtij problemi mund të jenë: infeksionet e trurit, konsvulsionet e shkaktuara si pasojë e një temperature të lartë, faktori trashëgues, traumat në zonën e kafkës etj. Gjithashtu një faktor i rëndësishëm është edhe trauma që fëmija mund të marrë gjatë një lindje të vështirë, apo hemoragjitë cerebromeningeale tek fëmijët e porsalindur.

Si bëhet trajtimi i epilesisë?

Epilepsia është një sëmundje kronike e cila ka shkaqe gati të panjohura, të cilat e bëjnë edhe më të vështirë apo më të gjatë kurimin e saj. Medikamentet që përdoren shërbejnë për të reduktuar shpeshtinë e krizave epileptike, deri në shërimin e tyre. Mjekimi duhet të merret në mënyrë të pandërprerë derisa mjeku të vendosë ndryshe, kjo pasi ndërprerja mund të bëhet shkak  i përshpejtimit të krizave dhe rëndimit të gjendjes së fëmijës.

Si mund ta parandalojmë këtë sëmundje?

Duke patur parasysh të gjithë faktorët e sipërpërmendur, dhe duke u përpjekur për t’i mbajtur nën kontroll.

Lexoni edhe: Disa semundje te sistemit nervor