Fëmijët e vegjël gëzohen shumë ndërsa janë duke bërë banjë, dhë në këtë moment temperatura e ujit si edhe e dhomës duhet të jetë në vlerat e duhura.

Cila është temperatura e duhur e ujit?

Ajo duhet të jetë rreth 37-38 gradë. Nëse nuk keni një termometër në shtëpi mund ta kontrolloni me anën e bërrylit. Uji nuk duhet të jetë as shumë i ftohtë, as shumë i ngrohtë. Duke qënë se uji ftohet shumë shpejt banjoja nuk duhet të zgjasë më tepër se disa minuta.

Përveç kësaj nëna:

• Duhet të mbajë në vlerën 22 gradë temperaturën e dhomës;
• Duhet të ketë gati një peshqir të madh me të cilin të mbështillni beben menjëherë pas banjos;
• Momenti më i mirë për të bërë banjo është mbrëmja, para gjumit;

 

Cili është vendi i duhur për të larë fëmijën?

Ju mund të përdorni vaksën plastike në të cilën mund të vendosni edhe një mbështetëse por një alternativë do të ishte edhe lavamani, sidomos nëse fëmija është më i vogël se 3 muajsh.

Sa minuta duhet të zgjasë banjoja?

Jo më shumë se 10 minuta i gjithë proçesi. I porsalinduri nuk është i papastër dhe mbi të gjitha zona intime e tij lahet disa herë në ditë nga nëna.

Lexoni edhe: Si te lajme nje bebe te vogel?