Antonio Bramante po padit McDonald’s për reklamimin e paligjshëm të ushqimeve të tij. Babai kanadez akuzon rrjetin e njohur të fast foodeve se bën reklamë të ndaluar me ligj tek fëmijët nën 13 vjeç.
Sipas dokumenteve të gjykatës, Bramante dhe fëmijët e tij hanë në McDonald’s rreth një herë në dy javë me kërkesë të fëmijëve, ku babai thotë se ka shpenzuar qindra dollarë, kryesisht për shkak të lodrave që vijnë me blerjen.
Ai thotë se McDonald’s drejtpërdrejt synon fëmijët duke vendosur lodrat, të cilat shpesh bazohen në filma apo shfaqje popullore, të dukshme qartë për syrin e fëmijëve.
Në një deklaratë më parë këtë javë, përfaqësuesi i McDonald’s u përgjigj duke thënë, “Ne jemi të vetëdijshëm për detyrimet tona nën ligjet e reklamave dhe përsërisim se ne nuk besojmë se kjo padi ka vlerë.” Megjithatë, Bramante po vazhdon përpara me padinë duke kërkuar edhe një masë ndëshkuese si dhe kompensimin nga fast foodi.
Lexo edhe: Ushqimet fast food dhe lidhja e tyre me astmen
Për të lënë një koment ju duhet të jeni regjistruar Identifikohu