Trupi ynë është e vetmja gjë që zotërojmë realisht dhe që na takon neve deri në frymën tonë të fundit, prandaj është e domosdoshme që të kujdesemi mirë për ta forcuar dhe tonifikuar atë. Më poshtë do të gjeni 6 ushtrime që mund të bëni për 30 ditë dhe të shikoni trupin teksa transformohet para syve tuaj.
- Ngritja e ijeve.
Vetëm shtrihuni në dysheme me gjunjë të ulur dhe krahët e shtrirë. Më pas ngrini pjesën e ijeve tuaja në mënyrë që trupi juaj të formojë një trekëndësh të drejtë që nga shpatullat tek gjunjët dhe deri te këmbët tuaja. Ndaloni në këtë pozicion për 10 sekonda dhe pastaj të kthehuni në pozicionin e fillimit. Përsëriteni 2 herë në ditë këtë ushtrim nga 10 seanca për çdo rast. Kjo është një lëvizje e vetme që punon me muskujt abdominalë dhe këmbët.
- Shtyni një peshë lart.
Për të bërë këtë veprim, qëndroni drejt dhe mbani një peshë të caktuar në secilin krah. Mos zgjidhni pesha që janë shumë të rënda. Tani, ngrini ngadalë krahët derisa krahët të shtrihen plotësisht mbi kokën tuaj. Mbajeni këtë pozicion për 10 sekonda dhe pastaj ulini krahët derisa krahët deri tek brryli të jenë paralel me tokën. Përsëriteni 24 herë. Ky ushtrim punon me shpatullat tuaja, krahët, shpinën dhe gjoksin.
- Kërceni me litar.
Këtë me siguri të gjithë dini ta bëni. Mjafton të mbani trupin e relaksuar dhe të shikoni drejt. Bëni të paktën 20 hedhje. Ky ushtrim aktivizon më shumë muskujt në trup se çdo stërvitje tjetër.
- Zgjatje.
Ky ushtrim është më i thjeshtë edhe se një squat pasi është pak a shumë i ngjashëm me ecjen. Përkuluni me këmbë në dysheme si në foto dhe më pas ngrini një prej këmbëve tuaja para në mënyrë që gjuri të jetë paralel me tokën. Ndërkohë mbani peshë në të dy krahët dhe çojeni atë përpara drejt këmbës që keni ngritur. Përsëriteni 20 herë këtë ushtrim edhe me këmbën tjetër.
- Ngritja e këmbëve.
Shtrihuni në tokë me duart tuaja të shtrira drejt, sipër kokës. Tani ngrini këmbët tuaja pingul me tokën dhe ulini përsëri por pa lejuar që të prekin tokën. Filloni duke bërë 12 të tilla dhe më pas rrisni gradualisht numrin e herëve që bëni këtë ushtrim.
- Ngritja e shtangave
Qëndroni në këmbë me muskujt e gjoksit të ngritur, supet të shtyrë mbrapa dhe duart tuaja ku keni shtanga përballë njëra-tjetrës. Tani ngadalë ngrini duart tuaja në anët tuaja derisa të bëhen horizontalisht me tokën dhe kthejini në pozicionin fillestar. Mund ta filloni këtë ushtrim me rreth 10 herë dhe pastaj të rrisni numrin gradualisht.
Lexo edhe: Ushtrime qe stimulojne lindjen
Për të lënë një koment ju duhet të jeni regjistruar Identifikohu