Çfarë janë të qarat e tepërta te bebet?
Të gjithë bebet qajnë nga 1 deri në 3 orë në ditë. Por ndonjëherë bebet qajnë shumë më shumë se kaq, aq sa i bëjnë prindërit të mendojnë se ka diçka që nuk shkon. Ndërkohë që fëmijët qajnë më pak pasi kanë mënyra të tjera për t’i shprehur emocionet, ka edhe disa raste që ata mund të shfaqin të qara të tepërta.
Çfarë mund ti shkaktojë të qarat e shumta tek bebet?
Një numër i madh sëmundjesh e problemesh të caktuara mund ta bëjnë një bebe të qajë. Bebi mund të jetë i etur apo i uritur ose thjesht ka nevojë për një ndërrim pelenash. Por mund të jetë dhe diçka më serioze si alergjia nga ushqimi apo temperatura e lartë.
Si të trajtoni qarjen e tepërt te bebet?
Në fillim sigurohuni që nuk ka asnjë faktor të jashtëm që është duke i shkaktuar dhimbje bebit. Me pas merreni ate në krahë, tundeni e këndojini diçka, dhe pas kësaj në shumicën e rasteve bebi do të pushojë së qari. Në fakt sa më shumë ta mbani në krahë bebin gjatë ditës aq më i qetë do të jetë ai natën, sigurisht që edhe biberoni është një mjet e ndihmon bebin për të pushuar. Ju mund të përdorni dhe të ashtuquajturat zhurma të bardha si ajo e lavatriçes apo aspiratorit të cilat kanë një efekt qetësues tek bebet.
Për të lënë një koment ju duhet të jeni regjistruar Identifikohu