Ushqyerja e fëmijës është shumë e rëndësishme të bëhet në mënyrën e duhur, dhe zakonisht këshillohet të fillohet me frutat ose drithërat (miellin e orizit).
Cilat janë frutat e para dhe kur duhet të fillohen?
Këshillohet të fillohet të bëhet prezantimi i puresë së mollës dhe dardhës, dhe duhet ta bëni këtë pas mëngjesit, pra midis një vakti gjidhënie dhe tjetrit. Disa pediatër këshillojnë që kjo të bëhet rreth muajit të 5-të dhe disa rreth muajit të 6-të. Edhe në do t’ju këshillonim ta bënit këtë në muajin e 6-të, kjo pasi fëmija atëherë është më i përgatitur të pranojë dhe tresë ushqime të tjera që nuk janë qumështi i gjirit apo i formulës (absolutisht jo qumësht tjetër para muajit të 12-të të jetës).
Përse ushqyerja e fëmijës duhet të fillohet pikërisht me këto fruta?
Sepse janë lehtësisht të tretshme dhe kanë shije të ëmbël. Gjithashtu edhe forma e tyre e butë (ska rëndësi nëse purenë e keni përgatitur në shtëpi apo e keni blerë në supermarket), është shumë e pranueshme për një fëmijë aq të vogël.
Sa pure duhet të hajë fëmija si fillim?
Fillimisht duhet t’i jepni atij disa lugë për të vazhduar (nëse ai ka dëshirë të hajë më tepër) me rreth ¼ e mollës apo dardhës midis vakteve të qumështit. Idealja do të ishte që purenë ta përgatisnit gjithmonë me fruta të freskëta, duke evituar konsumimin e frutave që ndodhen në kavanoza (homogjenizat).