Ka shumë prindër që dëshirojnë t’i rrisin fëmijët ndryshe nga ç’janë rritur vetë. Megjithatë, edhe nëse mënyra juaj e rritjes së fëmijëve është shumë afër ideales, do të ketë gjithmonë njerëz që do t’ju këshillojnë, ndoshta edhe qortojnë për këtë rol.
9 përgjigje për personat që ju tregojnë si duhet t’i rrisni fëmijët
- “E vlerësoj që interesohesh për fëmijët e mi, por jemi vërtet të lumtur kështu siç jemi.”
Kjo përgjigje është një e mesme. Ju pranoni se pala tjetër kujdeset për fëmijën tuaj, por ju nuk keni kërkuar ndihmë e këshilla, megjithatë e vlerësoni interesimin e tyre.
- “Kam lexuar shumë për prindërimin dhe jam e lumtur me gjërat që kam mësuar.”
Prindërimi sot ka ndryshuar shumë nga vite më parë kështu që ju keni shumë burime nga të merrni informacionin e ditëve më të fundit. Kështu, me këtë përgjigje i thoni atyre se ajo që bëni, edhe nëse është ndryshe nga ç’ju këshillojnë, është një zgjedhje e menduar dhe e lexuar diku.
- “Kemi provuar metoda të ndryshme dhe kjo funksionon për ne.”
Lërini të afërmit të kuptojnë se keni provuar disa mënyra dhe se e keni gjetur çfarë funksionon, kështu që nuk keni nevojë për ndihmë.
- “Kemi kuptuar se fëmija kupton më shumë nëse nuk i vendosim limite të rrepta.”
Nëse ju akuzojnë se jeni shumë të butë me fëmijët tuaj, thuajini se keni provuar edhe mënyra të tjera, por kjo ka rezultuar më e suksesshmja për ju.
- “Fëmija ndihet më mirë kur e pushojmë së qari sesa kur e lëmë të qajë.”
Ka një keqkuptim të madh se kur e pushojmë fëmijën së qari e mësojmë keq, por ju mund të përgjigjeni se kjo është metoda e duhur për fëmijën tuaj.
- “Çdo familje është e ndryshme, por për ne kjo mënyrë ka rezultuar më e mira.”
Kundërshtitë mes jush e miqve për mënyrën e duhur të rritjes së fëmijës mund t’i sheshoni duke pranuar se “çdo familje është e ndryshme”.
- “Fëmijët janë të ndryshëm, por i yni përgjgijet më mirë në këtë formë.”
Çdo kush është “ekspert” për familjen e vet dhe askush nuk mund t’ju mësojë si ta kryeni detyrën e prindit. Kjo shprehje e lë tjetrin të kuptojë se ju po veproni në bazë të njohjes së fëmijës suaj.
- “Mos u shqetëso, unë mund t’ja dal!”
Ka miq e familjarë që duan të ndërhyjnë duke ju ndihmuar me gjithçka dhe kjo shprehje është një mënyrë e sjellshme për t’ju thënë “jo”.
- “Faleminderit për këshillën, do ta mendoj.”
Kjo e lë personin tjetër të kuptojë se ju po e merrni në konsideratë atë që ju ka thënë dhe nuk po e anashkaloni.
Lexo edhe: Arsyet perse disa gra nuk duan te bejne femije, nje prej tyre do t’ju preke
Për të lënë një koment ju duhet të jeni regjistruar Identifikohu