Që nga fëmijëria na kanë mësuar se duhet të kujdesemi për dhëmbët jo vetëm për shëndetin, por gjithashtu për t’u dukur bukur.
Dhëmbët tanë janë të mbështjellë nga një shtresë që natyralisht është e bardhë, por kur kjo shtresë “hiqet”, dhëmbët bëhen të verdhë.
9 mënyra për të zbardhur dhëmbët në shtëpi
- Përdorni sodë buke
Mund të përzieni sodë buke me ujë dhe e aplikoni mbi furçë përpara se t’i lani dhëmbët. Mund ta aplikoni edhe direkt në dhëmbë, ta mbani një minutë e pastaj t’i lani. Përsëriteni njëherë në javë.
- Mos anashkaloni lëkurën e frutave
Herën tjetër që do të hani banane ose portokalle, mos e flakni lëkurën e tyre. Përdoreni për të zbardhur dhëmbët, duke i fërkuar me pjesën e brendshme të saj.
- Hani më shumë fruta e perime që bëjnë “krrak”
Ushqime si mollët dhe karotat janë mënyrë shumë e mirë për të zbardhur dhëmbët teksa hani.
- Provoni uthull molle
Uthulla e mollës është një mënyrë e shpejtë dhe efektive për të zhdukur njollat e verdha nga dhëmbët tuaj. Merrni një pikë uthull në gishtin tuaj dhe fërkoni dhëmbët me të.
- Mbani vaj në gojë
Mbani vaj në gojë dhe rrotullojeni rreth saj për disa minuta, më pas lani dhëmbët. Kjo është një mënyrë e vjetër indiane për zbardhjen e tyre.
- Përdorni pipë për pijet me ngjyrë
Disa pije si kafja njihen si njolluese të dhëmbëve. Nuk mund ta shmangni plotësisht këtë efekt të tyre, por konsumi me një pipë do të ndihmonte.
- Shmangni duhanin
Tashmë i dimë efektet negative të duhanit për mushkëritë tona. Por, ai gjithashtu është shumë i dëmshëm edhe për dhëmbët.
- Kufizoni konsumin e sheqerit
Ushqimet që përmbajnë sheqer njihen për nxitjen e baktereve që shkaktojnë zverdhje të dhëmbëve. Përpiquni të kufizoni konsumin e tyre ose të lani dhëmbët pasi keni ngrënë gjëra të ëmbla.
- Shtoni në dietën tuaj ushqime të pasura me kalcium
Qumështi është i mirë jo vetëm për trupin, por gjithashtu për dhëmbët tuaj. Edhe nënproduktet e tij si djathi përmbajnë kalcium që mbrojnë dhëmbët.
Lexo edhe: 5 keshilla per dhembe te bardhe e buzeqeshje te bukur
Për të lënë një koment ju duhet të jeni regjistruar Identifikohu