Vogëlushi tashmë 4-vjecar i dhunuar në ambientet e kopështit “Diren” nga administratorja A. Shabani tashmë është më i qetë dhe ka filluar të ndihet më mirë. Ai është një fëmijë i dashur dhe ka filluar të flasë, gjithcka falë përkujdesjes dhe dashurisë që ka marrë përgjatë këtyre 6 muajve. Diagnoza që mjekët i kanë vendosur këtij fëmije nuk është aspak ajo e aftësive të vecanta, dhe konkretisht autizmit, por “Traumë e fortë psikologjike”, e shkaktuar për shkak të dhunës së vazhdueshme që fëmija ka marrë në institucionin përkatës. Si pasojë e kësaj dhune fëmija ka pësuar një bllokim, të cilin tani duket se është duke e kaluar për mrekulli, megjithatë djali 4-vjecar do të jetë nën përkujdesjen e mjekëve ekspertë, shpenzimet e së cilës janë ofruar të mbulohen për një periudhë 1-vjecare nga Armina Mevlani. Stafi i “Për nënat” i uron vogëlushit të ketë përpara një jetë të qetë dhe të lumtur pranë familjes së tij!