Këngëtari nga Kosova, Gold AG në ditën e Pavarësisë së Shqipërisë, më 28 nëntor është bërë baba për herë të parë.

Bashkëshortja e tij solli në jetë një djalë, të cilit i vendosën emrin Gueril.

Por, edhe dita e djeshme ka qenë shumë e rëndësishme për reperin, pasi nëna e tij ka pasur ditëlindjen. Ai e ka uruar publikisht duke postuar një foto me një shkrim mjaft domethënës për kohën që ata po jetojnë si familje.

“Urime ditëlindjen nënë. Sot dhuratën më të mirë nga ne e ke nipin. Të paqim edhe shumë vite me shëndet e gëzime”, ka shkruar ai.

Gold AG dhe Ermira janë martuar gjatë këtij viti, por nuk organizuan një ceremoni për shkak të situatës së pandemisë COVID-19.