Gjuha e urrejtjes, sidomos në rrjetet sociale, përhapet me një shpejtësi e lehtësi të jashtëzakonshme. Kushdo, pas një tastiere apo ekrani të një pajisjeje inteligjente, mund të shprehë mendimi ne tij për këdo, edhe nëse ky mendim përmban ofendime, mallkime, apo gjithçka tjetër që cënon të drejtën e personit mbi të cilin bien. Dhe mbi të gjitha, askush nuk mban përgjegjësi.

Me një gjuhë të tillë urrejtjeje është përballur sot moderatorja Arbana Osmani, e cila ka ndarë eksperiencën e pakëndshme në profilin e saj në Instagram. Ajo ka treguar se një përdoruese e Instagramit, përmes adresës së saj ka shprehur  mallkime për dy fëmijët e moderatores. Ajo që i ka bërë më shumë përshtypje Arbanës është fakti se zonja në fjalë është vetë nënë e dy fëmijëve dhe në profilin e saj në Instagram mban foton e tyre dhe një shkrim dedikuar atyre.

Arbana, përvçse ka ndarë këtë eksperiencë të pakëndshme virtuale, gjithashtu ka dhënë edhe një mesazh shumë të fortë, i cili duhet të bëhet mësim për gjithë shoqërinë.

Ja shkrimi i plotë i moderatores: