Kur bakteret futen në rrënjën e një dhëmbi, kjo mund të shkaktojë rritjen e sasisë së qelbit brenda tij. Ky lloj infeksioni tek dhëmbët quhet abscesi periapikal.

Këto infeksione nuk zhduken vetë, kështu që është e rëndësishme të shkoni tek dentisti nëse mendoni se e keni. Kjo pasi nëse infeksioni i dhëmbëve nuk trajtohet ai mund të përhapet në nofull ose në zona të tjera të kokës dhe qafës.

Më poshtë ju tregojmë disa mënyra se si të lehtësoni simptomat tuaja:

• Merrni qetësues për dhimbjen si ibuprofen, aspirinë apo naprocen për të hequr sikletin;
• Mos hani ose pini ndonjë gjë shumë të nxehtë ose shumë të ftohtë;
• Mundohuni të përtypni në anën tjetër të gojës suaj, larg nga dhëmbi i prekur;
• Kur pastroni dhëmbët, përdorni një furçë me qime të buta.

Trajtimi

Nëse keni një dhëmb të infektuar, dentisti juaj mund të rekomandojë një nga trajtimet e mëposhtme, në varësi të seriozitetit të problemit:

• Nëse keni një infeksion të thjeshtë, dentisti juaj mund të pastrojë kanalin e rrënjës, për të hequr infeksionin duke shpresuar që të shpëtojë dhëmbin.
• Nëse infeksioni është i madh, mund të duhet të hiqet nervi para se të pastrohet kanali. Dentisti juaj do të bëjë heqjen e nervit dhe do të pastrojë vendin me ilaçin e duhur.
• Pasi dhëmbi të mbushet, dentisti mund të vendosë një këllëf ose një kurorë si një shtresë për të mbrojtur dhëmbin dhe sigurohuni që të mos merrni një infeksion tjetër.
• Nëse dhëmbi juaj nuk mund të shpëtohet, dentisti juaj mund të ketë nevojë ta heqë atë.
• Dentisti juaj gjithashtu mund t’ju japë antibiotikë për t’u siguruar që infeksioni të mos përhapet në dhëmbë të tjerë ose pjesë të tjera të trupit tuaj.

Parandalimi:

Kujdesi i mirë ndaj dhëmbëve mund t’ju ndihmojnë të mbani dhëmbët dhe mishrat e shëndoshë:

• Lani dhëmbët me furçë dhe pastë dhëmbësh fluoride dy herë në ditë për të paktën 2 minuta çdo herë.
• Mos e pastroni gojën me gargar ose me shpëlarës farmacie menjëherë pas larjes – që dhëmbët të mund të krijojnë shtresën mbrojtëse.
• Përdorni fillin dentar të paktën një herë në ditë për të pastruar midis dhëmbëve tuaj dhe nën mishrat e dhëmbëve.
• Shmangni ushqimet me sheqer dhe niseshte sidomos para se të flini në darkë.
• Bëni vizita të rregullta tek stomatologu.