Biçikleta është një mjet i përshtatshëm dhe i përballueshëm për transport. Megjithatë, është e rëndësishme të ndiqni disa rregulla të thjeshta për të shmangur dëmtimet. Më poshtë keni disa nga rekomandimet e përfshira në dekalogun e fundit të përpiluar nga ekspertët për të përdorur biçikletën në mënyrë të sigurt dhe argëtuese.
Problemet më të zakonshme
Dr Maurizo Radi, fizioterapist, osteopat dhe themelues i Qendrës Pesaro Fisioradi shpjegon, çiklizmi është një mënyrë e shkëlqyer për të mbajtur trupin në formë. Është gjithashtu e vërtetë, vazhdon Radi, se si në çdo sport, është e nevojshme të ndiqni disa rregulla për të mos u lënduar. Në fakt, ata që përdorin rregullisht biçikletën rrezikojnë të vuajnë nga patologji inflamatore, dhimbje që mund të ndikojnë në zonën e mesit dhe në tendina e gju dhe probleme të ndryshme në nyjet e dorës dhe parakrahut.
10 rregulla që duhen ndjekur
Nxitja e vizitës te fizioterapisti
Parandalon dhe vlerëson çdo problem të ngurtësisë fizike që pengon një pedalim të saktë.
Bëni streçing
Ushtrimet e lëvizjes për këmbët, anësoret dhe shpinën janë thelbësore për të filluar pedalimin në mënyrën më të mirë të mundshme.
Hani shëndetshëm
Një dietë e saktë dhe e shëndetshme siguron energjinë e duhur dhe ndihmon në pedalim.
Hidratohuoni vazhdimisht
Për të përmirësuar pedalimin është e nevojshme të pini shumë ujë. Hidratimi i trupit para, gjatë dhe pas çiklizmit është thelbësor.
Njihni kufijtë tuaj
Nëse filloni të ndjeni ndonjë dhimbje, është një ide e mirë të ngadalësoni dhe vlerësoni ngarkesën. Njohja e limiteve dhe rregullimi i pedalimit tuaj ju lejon të shmangni dëmtimet.
Njihni dhe respektoni kodin rrugor
Duket e qartë, por edhe me biçikletë ju duhet të ndiqni rregullat. Mos respektimi i kodeve rrugore është ndër shkaqet kryesore të aksidenteve.
Përdorni gjithmonë kaskën
Rënia nga biçikleta pa një kaskë shumëfishon rrezikun e përjetimit të traumave Kranio-cerebrale në mënyrë të jashtëzakonshme dhe përforcon pasojat.
Zgjidhni biçikletën e përshtatshme
Zgjedhja e biçikletës së duhur shmang lëvizjet e paqëndrueshme. Gjithashtu është e rëndësishme të vishni veshje të rehatshme dhe pajisje të përshtatshme sportive.
Kontrolloni gomat dhe frenat
Është e domosdoshme që të keni gomën në presionin e duhur dhe frenat funksionale.
Trajtohuni me terapi me lazer
Sa i përket rikuperimit të lëndimeve, teknologjia me lazer është një ndihmë konkrete dhe efektive.
Lexo edhe: Perdorimi i bicikletes ne shtatzani
Për të lënë një koment ju duhet të jeni regjistruar Identifikohu