Një operacion i rrallë në zemër ka ndezur dritën e shpresës në familjen e një vogëlusheje të porsalindur dhe në besimin e qytetarëve në shëndetësinë shqiptare.

Operacioni i vështirë e i rrallë është kryer me sukses në Qendrën Spitalore Universitare në Tiranë.

Lajmin e ka bërë publik vetë ministrja e Shëndetësisë, e cila gjithashtu ka dhënë detaje lidhur me ndërhyrjen.

Manastirliu tregon se operacioni ka zgjatur 5 orë, por ka rezulutuar i suksesshëm, Duke i shpëtuar jetën foshnjës vetëm shtatë ditëshe.

Postimi i plotë ministres Ogerta Manastirliu:

Një ndërhyrje e rrallë në zemër është kryer me sukses nga ekipi i kardiokirurgjisë në QSUT, tek një fëmijë vetëm 7 ditësh😇

Ndërhyrja e kompleksitetit të lartë, e këmbimit të arterieve të mëdha të zemrës, e cila zgjati 5 orë, e realizuar prof. Arben Baboçi, prof. Altin Veshti,  dr. Saimir Kuçi, dr. Alfred Ibrahimi, i ka shpëtuar jetën Ezlionit të vogël😍

Pas 20 ditësh në terapi intensive, me kujdesin e veçantë të stafit mjekësor të reanimacionit të Pediatrisë, Ezlioni është drejt shërimit të plotë.