Sipas mamisë Joy Haskin nga Universiteti i Kalifornisë, duke filluar nga një orë pas lindjes zorrët e fëmijës do të fillojnë të bëjnë një zhurmë dhe kjo shkaktohet nga funksioni tretës që fillon të punojë. Themi që zhurma vjen nga zorrët, pra nga pjesa e poshtme e aparatit tretës dhe jo nga stomaku. Kjo për prindërit është shqetësuese por në të vërtetë duhet të jetë e tillë në rast se fëmija ka edhe dhimbje barku apo gazra të forta, si edhe ka humbje oreksi apo vështirësi në defekim. Në këtë rast duhet të flisni me mjekun.
Zhurmat e zorrëve dhe shtimi i gazrave
Është normale zhurma që shkaktohet nga kalimi i qumështit të gjirit apo formulës nëpër aparatin tretës, por fëmija mund të ndiejë dhimbje në momentin që gazrat do të bllokohen për disa minuta nëpër zorrë (gazrat shkaktohen nga ajri që fëmija thith gjatë pirjes).
Në këtë moment ju mund të ndërhyni për t’i bërë gazrat të dalin jashtë sistemit tretës duke ndryshuar pozicionin e fëmijës. Një mënyrë e mirë do të ishte të mbështesnit fëmijën mbi supin tuaj, dmth në pozicion vertikal. Më pas do t’ju ndihmonte masazhi, lëvizja e këmbëve etj.
Mund të jetë shkaktar edhe ushqimi
Nëna duhet të ketë kujdes me disa ushqime që shkaktojnë gazra tek fëmija dhe eleminimi i përkohshëm i atij ushqimi nga dieta mund të ndihmojë. Disa prej tyre do të jenë domatet, portokalli dhe agrumet në përgjithësi, lakra, brokoli, lulelakra, lakra e brukselit, qumështi etj.
Zhurma tek zorrët e fëmijës është pozitive sepse tregon se sistemi tretës është duke funksionuar në mënyrën e duhur, pra kështu duhet të jetë. Duhet të shqetësoheni nëse nuk ka zhurmë ose nëse reduktohet ndjeshëm. Gjithashtu edhe rritja e madhe e zhurmës është kusht për të folur me mjekun pasi mund të ketë lidhje me një bllokim zorrësh.
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu