Sipas Sunita Shah, mjeke pediatre dhe logopede, shpesh prindërit e humbin durimin kur dëgjojnë fëmijën e tyre të përsërisë fjalët në mënyrë të vullnetshme, por ajo që ekspertja thekson është se prindërit duhet të qetësohen pasi kjo përdëritje vjen si pasojë e dëshirës së fëmijës për të mësuar dhe për t’u ndier mirë nëpërmjet fjalës që thotë.

Kur shfaqet kjo përsëritje e fjalëve?

Rreth muajit 24 të jetës do të shikoni se fëmija juaj do të përsërisë fjalë dhe shprehje të njëjta në vazhdimësi, dhe pas një viti ai do të fillojë të kërkojë të njëjtat përralla apo vjersha.

Duke përsëritur gjërat, fëmija juaj është në gjendje të marrë për secilën herë një informacion ndryshe kështu mos u habisni nga nevoja e tij për të dëgjuar të njëjtat gjëra. Kjo është edhe një mënyrë për ta shijuar më mirë atë që po lexohet, nga ana tjetër fëmija juaj mëson edhe fjalë të reja prandaj shumë shpesh edhe do t’ju korrigjojë për “gabimet” që mund të bëni.

Studimet tregojnë se…

Përsëritja e vazhdueshme e përrallave apo vjershave e ndihmon fëmijën të mësojë fjalë të reja. Sipas tyre nëse një histori dëgjohet më shumë se tre herë, do t’i japë mundësi fëmijës të fiksojë më tepër fjalë. Nga ana tjetër fëmija kërkon edhe njëfarë sigurie dhe e gjen tek përsëritja e përrallave pasi e di si vazhdon më pas ngjarja. Pra kjo nuk duhet t’ju shqetësojë, dhe mbani mend se zhvillimi i fëmijës tuaj favorizohet së tepërmi nga leximi.