Ju ka ndodhur t’i flisni me zë të lartë bebes tuaj të porsalindur? T’i tregoni çfare ndieni, çfarë jeni duke bërë? Besoj se të gjithë prindërit e kanë bërë këtë, e madje sipas ekspertëve më të prirur janë baballarët, dhe ky nuk duhet të konsiderohet si një absurditet i këndshëm, por si një nga praktikat e para që jeni duke ndjekur në lidhje me favorizimin e zhvillimit gjuhësor të fëmijës!

Sipas profesorit të Universitetit “Temple”…

Dhe njëkohësisht psikolog, Kathryn Hirsh-Pasek, kjo e folur e fëmijës nuk duhet të konsiderohet si një shenjë se prindërimi ka “shkatëruar” trurin e njeriut, pra e ka lodhur atë por duhet të konsiderohet si diçka tepër normale që i përket natyrës së njerëzimit. Instiktivisht ne e dimë se gjuhën tonë duhet ta bëjmë më të qartë dhe të dallueshme për fëmijën, gjë  që do të sjellë avantazhe në zhvillim. Foshnjat marrin në këtë mënyrë të gjitha llojet e stimujve, dhe kryesisht në zhvillimin gjuhësor ai orientohet të kuptojë ku fillon dhe mbaron një fjali si edhe të njihet me strukturën e të folurit. Nëse ju do t’i drejtoheni fëmijës me biseda të ndryshme, ai do të mësojë gjithashtu edhe kuptimin e heshtjes. Largoni të gjitha mjetet e komunikimit nga fëmija si për shembull celulari dhe zhvilloni biseda direkte duke ju drejtuar atij pasi ajo që del nga goja juaj është më tepër informuesese gjithçka tjetër!