Të sjellësh në jetë një fëmijë është diçka tepër emocionuese por është gjithashtu shumë e rëndësishme që të kontrolloni nëse ai është mirë. Në disa raste prindërit shqetësohen edhe për një shenjë që mund të jetë krejt normale.
Ja në lidhje me çfarë nuk duhet të shqetësoheni për beben tuaj
-
Lëkura e fëmijës zakonisht ka ngjyrë rozë. Ajo mund të duket edhe transparente dhe kështu dallohen enët e gjakut. Është shumë normale.
-
Koka e fëmijës. Mund të ketë formë koni, e ngushtë dhe e gjatë. Kjo është shkaktuar nga kalimi nëpër kanalin vaginal gjatë lindjes.
-
Fontanelat. Nëse fëmija ka pak flokë mund të dalloni gropëzat në kokën e tij. Ato mund të ndodhen në zonën e ballit dhe mbrapa kokës. Kjo shkaktohet nga kockat që nuk janë bashkuar ende.
-
Hunda e fëmijës. Në këtë zonë si edhe në zonën e faqeve mund të shfaqen disa pika të bardha të vogla. Nuk duhet të shqetësoheni as në këtë rast pasi bëhet fjalë për qeliza të vdekura dhe material dhjamor që lëkura nuk i nxjerr dot jashtë. Do të largohen në mënyrë spontane.
-
Duart dhe këmbët. Qarkullimi i gjakut tek bebet ende nuk është maturuar në mënyrën e duhur prandaj ato mund të kenë një ngjyrë disi blu dhe mund të jenë të ftohta. Kjo do të largohet vetë ndërkohë i vishni fëmijës çorape dhe doreza.
-
Organet gjenitale. Menjëherë pas lindjes ato mund të duken të fryra për shkak të hormoneve të marra nga nëna nëpërmjet plaçentës. Shumë shpejt kjo situatë zgjidhet pa nevojën e ndërhyrjes tuaj.
Lexoni edhe Fakte te mahnitshme rreth bebes
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu