Pak ditë më parë, aktorja  e humorit Eliona Pitarka është bërë nënë për herë të parë, duke sjellë në jetë vajzën e saj, të cilës i ka vënë emrin Gala.

Në fakt, që para se vogëlushja të vinte në jetë, Eliona ka ndarë me ndjekësit emrin përkëdhelës me të cilin e thërriste të bijën që në bark “pupushja”.

Ditën e sotme, ajo është ndalur për të falënderuar një person shumë të rëndësishëm në sallën e lindjes, maminë, e cila ka asistuar në momentin e ardhjes në jetë të vogëlushes së aktores. Me fjalë zemre e falënderuese, Eliona ka shprehur gjithë mirënjohjen që ndjen për këtë zonjë të nderuar.

“Gruaja që nuk do e harroj gjithë jetën time! Kjo është mamia që priti pupushen time! Unë nuk e njihja më parë, ditën që linda e njoha për ta mbajtur në zemër tashmë për gjithë jetën! Ndihma, mbështetja, motivimi që më dha kjo grua është për t’u vlerësuar dhe admiruar, padyshim një aset i vyer i maternitetit Geraldinë. Lum ju vajza që do keni fatin të lindni me të! Mama Rudi, të kemi në zemër”- janë fjalët e aktores.