Çdo prind i ri mund të pranojë se muajt e parë me fëmijë janë jashtëzakonisht sfidues. Jo vetëm që jeni të privuar nga gjumi, por gjithashtu vini në dyshim zgjedhjet tuaja si prindër, në mënyrë të vazhdueshme. Meghan Markle e kupton shumë mirë këtë gjë. Ndërsa Dukesha e Sussex-it ka qenë gjithmonë rrezellitëse në daljet e saja publike, në një intervistë të fundit ajo ka folur për të gjitha vështirësitë e të qenit nënë, e njëherësh pjesë e familjes mbretërore.
Kur u pyet nga reporteri Tom Bradby nëse gjërat po shkonin mirë, Markle foli hapur për presionet shumë reale të mediave me të cilat është dashur të përballet, jo vetëm si një e porsamartuar me një anëtar të familjes mbretërore, por si një nënë e re.
“Çdo grua, veçanërisht kur është shtatzënë, preket shumë shpejt dhe kështu u bë me të vërtetë sfiduese. Kur bëhesh me fëmijë ai merr gjithë prioritetin dhe ti si nënë dhe si një porsamartuar je gjtihë kohën duke u përpjekur të bësh më të mirën. Megjithatë faleminderit që më pyetët nëse jam mirë, jo të gjithë e bëjnë”, – tha Meghan.
Kur u pyet nëse do të ishte e drejtë të thuhej që ajo nuk është shumë mirë dhe është duke luftuar, Markle u përgjigj: “Po”.
Mbështetësit e Meghan Markle ishin edhe njëherë pranë saj përmes komenteve pozitive e dashamirëse.
Një gjë është e sigurt: Të jesh një nënë e re është e vështirë dhe Markle thjesht vërtetoi se sa e rëndësishme është thjesht të pyesësh një nënë të re nëse ndihet mirë.
Për të lënë një koment ju duhet të jeni regjistruar Identifikohu