Pas balenës blu, loja e tmerrshme që vitin e kaluar bëri xhiron e botës, duke shkaktuar shumë viktima mes të rinjve, një sfidë e re virale po bën që prindërit të dridhen. Loja quhet Momo, dhe po përhapet përmes aplikacioneve të rrjeteve socaile. Sfida e re përhapet në fakt në Whatsapp. Krijuesi i lojës së keqe përdori Midori Hayashin si simbol të sfidës, imazhin e një statuje japoneze të një gruaje të deformuar. Trupi i njeriut me sytë e zgjatur dhe gjymtyrët e deformuara: ky është imazhi i sfidës së re virale mes të rinjve. Loja ka rrezikuar tashmë jetën e shumë adoleshentëve, duke çuar një vajzë në vetëvrasje.
Loja përhapet nëpërmjet Whatsapp: dërgohen mesazhe të dhunshme, të cilat i shtyjnë ata për të bërë gjeste ekstreme. Sfida po përhapet kryesisht në Amerikën e Jugut. Në Argjentinë, policia po heton vetëvrasjen e një vajze në një qytet pranë Buenos Aires. Dymbëdhjetë vjeçarja përpara se të vriste veten, postoi një video të shkurtër në internet, ndoshta për të rritur popullaritetin e lojës. Sipas policisë, vajza ka kryer vetëvrasje duke ndjekur dinamikën e lojës.
Loja është gjithashtu e përhapur në Meksikë, si dhe në Argjentinë, Brazil, Kolumbi dhe Rusi dhe autoritetet e vendit të Amerikës së Jugut kanë ngritur alarmin, duke kërkuar vëmendje maksimale nga prindërit:
Fëmijët përfshihen në lojë për të përballuar presionin e bashkëmoshatarëve, por ata duhet të kuptojnë se kanë gjithë të drejtën dhe mundësinë të refuzojnë të përfshihen në gjëra që i dëmtojnë dhe i frikësojnë.
Prindërit duhet të flasin me fëmijët e tyre dhe të theksojnë faktin se fëmijët mund të marrin vendimet e tyre dhe të diskutojnë si të thonë jo.
E gjithë loja filloi në një grup në Facebook ku anëtarët thirren për të vendosur komunikimin me njëri-tjetrin përmes një numri të panjohur. Disa përdorues kanë thënë se në qoftë se ju të dërgoni një mesazh në “Momo” nga telefoni juaj celular, ai i përgjigjet me imazhe të dhunshme dhe agresive, dhe ka edhe nga ata që thonë se kanë marrë kërcënime dhe ju janë publikuar informacione personale.
Lexo edhe: A eshte e rrezikshme qe femija fut celularin ne goje?
')}
Për të lënë një koment ju duhet të jeni regjistruar Identifikohu