Shumica e njerëzve nuk e dinë këtë, por unë kam pasur një listë të fshehtë me emra foshnjash në telefonin tim që kur isha në kolegj (gati dhjetë vjet më parë nëse po pyesni veten). Ajo është e mbushur me të gjithë emrat e mi të preferuar të vajzave dhe djemve, dhe ata madje janë renditur nga të preferuarit e mi absolutë deri në ata që pëlqeja më pak. Dashuria ime për këta emra nuk ka ndryshuar apo zvogëluar asnjëherë që kur fillova të shkruaj këtë listë, dhe madje unë di saktësisht emrat e mesëm që do të zgjidhja për t’u bashkuar me secilin prej tyre.

Pra, nuk është për t’u habitur që jam absolutisht e tmerruar nëse dikush që njoh mund të përdorë një nga këta emra për fëmijët e tyre. Gati më vjen turp ta pranoj këtë, por mendimi për të mos qenë në gjendje të përdor një nga këta emra sepse dikush tjetër e ka përdorur përpara meje, më sjell aq shumë ankth dhe pothuajse trishtim. Kjo do të tingëllojë krejtësisht çmenduri, por për mua këta emra kanë aq shumë kuptim dhe unë pothuajse kam një ndjenjë pronësie ndaj tyre.

Sa herë që shoh një njoftim për shtatzaninë nga një mike e ngushtë ose anëtare e familjes, më pushton menjëherë frika se ato do të përdorin një nga emrat që unë aq shumë e dua, dhe pastaj nuk do të jem në gjendje ta përdor atë.

E di që po mendoni se nuk është e ndaluar t’i vëmë të njëjtin emër fëmijës, por mua kështu më duket. Për mua dhe ndjesitë e mia është e ndaluar.

Më besoni, e di që e gjithë kjo mund të duket absolutisht çmenduri për disa prej jush dhe ka shumë mundësi që nuk do ta kuptoni … por ky është realiteti në të cilin po jetoj tani. Është një frikë e çuditshme (disa madje mund ta quajnë atë irracionale), por kur përpiqesh të kesh një fëmijë është padyshim një shqetësim dërrmues nganjëherë.