Një nënë e një djali 5 vjeçar, blogere në Instagram ka bërë një postim të të birit, i cili ka bërë xhiron e botës. Ajo shprehu shqetësimin për mungesën e popullaritetit të djalit të saj në mediat sociale.

“Do të jem plotësisht e sinqertë. Instagrami kurrë nuk e ka pëlqyer vogëlushin tim dhe kjo gjë ma ka vrarë. Fotot e tij kurrë nuk kanë marrë shumë pëlqime. Kurrë nuk kam marrë komente”, shkroi ajo, duke vazhduar të thoshte:”Nga pikëpamja statistikore, ai nuk ishte aq popullor “.

Prindërit nga e gjithë bota, përfshirë ndjekësit e saj dhe jo vetëm kanë vërshuar me një lumë komentesh negative, duke e kritikuar se fëmijët nuk janë trofe për prindërit, për të kënaqur egon dhe krenarinë e tyre me pëlqime në Instagram.

Madje, pjesë e komenteve është bërë edhe aktorja e njohur Chrissy Teigen, e cila e tmerruar ka shkruar “Oh Zot. Çfarë dreqin është kjo?”

Pas kaq shumë kritikash, nëna ka bërë një tjetër postim ku shpjegon se ajo nuk është shqetësuar për mungesën e pëlqimeve, por ka dashur të tregojë se vlera e vërtetë e jetës është përtej vlerësimit që marrim në rrjete sociale.

Lexo edhe: Prinder mos postoni foto te femijeve ne rrjete sociale