Vjedhje në shtëpi
Disa grabitës kanë hyrë në një vilë, të armatosur me thikë, duke mbajtur peng për orë të tëra gruan dhe burrin. Vajza, e cila ishte vetëm njëmbëdhjetë vjeç, arriti të marrë karabinierët për të shpëtuar prindërit. Ngjarja ka ndodhur në një provincë të Milanos.
Faktet
Vajza e vogël, vetëm njëmbëdhjetë vjeçare nuk e la veten të frikësohej nga kriminelët dhe nga klithmat e prindërve, duke treguar guxim dhe nerva të qëndrueshme, ajo menjëherë mori celularin dhe alarmoi karabinierët, të cilët nxituan për në shtëpi. Një nga hajdutët kërcënoi babanë e saj me thikë, i cili u detyrua t’i jepte paratë e ruajtura në shtëpi. Sipas mediave vendase, bëhet fjalë për një shifër prej rreth dhjetë mijë eurosh.
Gruaja, e bindur se këta ishin punonjësit e burrit të saj (një sipërmarrës që zotëron një kompani transporti), hapi portën e jashtme të vilës pa e kontrolluar se kush ishte: kur aty mbërritën dy burra të maskuar.
Duke përfituar nga një moment shpërqendrimi i atyre që e mbajtën peng, gruaja tridhjetë e gjashtë vjeçare ulëriti deri në atë pikë sa u përpoq të kërkonte ndihmë nga fqinjët, pastaj udhëzoi vajzën e saj të telefononte policinë.
Vajza veproi ashtu dhe pastaj njëri nga dy hajdutët i hoqi telefonin nga duart dhe vrapoi drejt mjetit për të shpëtuar. Por ishte shumë vonë: gruaja kishte mbyllur portën e jashtme, duke “bllokuar” të dy hajdutët në pronën e tyre. Ndërkohë mbërritën fqinjët të cilët gjithashtu ndihmuan çiftin fatkeq për t’i dhënë fund këtij makthi.
Njëri nga dy hajdutët arriti të shpëtojë dhe aktualisht është në kërkim; tjetri, njëzet vjeçari nga Milano, u arrestua dhe u dërgua në burg në Monza, ku do të duhet të përgjigjet për një grabitje të rëndë.
Për të lënë një koment ju duhet të jeni regjistruar Identifikohu