Transmetohet nga kontakti i thjeshtë dhe prek kryesisht personat që kanë marrëdhënie të pambrojtura ose me më shumë se një partner. Përveç infektimit të organeve gjenitale, bakteri mund të ndikojë në zgavrën e gojës dhe, në raste shumë të rralla në sy. Siç tregohet nga disa studime, puthja mund të luajë një rol kryesor midis shkaqeve të ngjitjes së këtij infeksioni.

Si transmetohet?

Mënyrat në të cilat transmetohet gonorrea përfshijnë gjithashtu edhe një puthje të thjeshtë. Kjo u zbulua nga të dhënat e paraqitura nga Christopher K. Fairley, profesor në Universitetin Monash të Melbourne dhe drejtor i Qendrës së Shëndetit Seksual në Melbourne, në një konferencë të mbajtur në Vancouver. Hulumtimi ekzaminoi statusin shëndetësor të 3,600 burrave homoseksualë për një vit, duke zbuluar sesi gonorrea ishte e pranishme në përqindje të larta në persona që ishin kufizuar vetëm me puthje, dhe akoma më shumë tek ata që putheshin gjatë marrëdhënies seksuale. Këta të fundit kishin më shumë mundësi për të marrë infeksionin se sa ata që nuk shkëmbenin puthje.

Infeksioni në rritje

Këshillat e Fairley janë që të rritet ndërgjegjësimi dhe alarmi për një sëmundje që po prek gjithnjë e më humë njerëz. Nga ky infeksion në botë ka 87 milion raste të regjistruara çdo vit. Është e rëndësishme të jeni të vetëdijshëm për gonorrean dhe puthjen dhe të kuptoni se si mund të transmetohet ky infeksion, në mënyrë që ta mbani atë nën kontroll. Dhe, nëse puthja është një nga shkaqet e transmetimit, do të duhet të gjenden metoda për të kufizuar efektet e saj, të tilla si këshillimi i përdorimit të solucioneve antibakteriale.

Lexo edhe: 1 milion raste të reja të infeksioneve seksuale çdo ditë