Si të zgjedhim dhuratën e duhur për fëmijën? Spitali pediatrik në Romë, “Bambino Gesu” sjell disa sugjerime për të gjithë prindërit, në faqen e tij zyrtare, në mënyrë që të mos gaboni por të blini të duhurën duke ju përshtatur edhe moshës së fëmijës.
Cila do të ishte dhurata ideale për fëmijën?
-
Prindërit duhet të zgjedhin një lodër e cila do të ndikonte pozitivisht në zhvillimin e fantazisë së fëmijës. Pra një lodër e cila do ta aktivizonte dhe stimulonte dëshirën për ta eksploruar.
-
Gjithsesi nuk duhet ta ekzagjeroni me lodrat e mësipërme pasi fëmija mëson edhe nëpërmjet recitimit të një vjershe, nëpërmjet ndërtimit me kuba, etj. Pra një zgjedhje e mirë do të ishte edhe libri apo kutia me kuba plastike.
-
Duke qënë se fëmija është gjithmonë në rritje dhe socializimi i tij është shumë i rëndësishëm, këshillohet të zgjidhni lodra të cilat fëmija mund t’i ndajë edhe me të tjerët gjatë lojës.
-
Mos u joshni nga reklamat. Nuk është e nevojshme të zgjidhni lodrën më në modë të momentit. Ndonjëherë duhet të zgjidhni të duhurën që të argëtojë fëmijën, të jetë e sigurt dhe mos e boshatisë portofolin tuaj.
-
Jo gjithmonë lodra më e kushtueshme është më e mira. E rëndësishme është që lodra të rrisë kuriozitetin e fëmijës, ta argëtojë dhe të tërheqë vëmendjen e tij për një kohë të gjatë.
-
Mos zgjidhni lodra me lidhje elektrike por vetëm me bateri (maksimumi 24 volt).
-
Gjithmonë shikoni paketimin duke respektuar moshën që tregohet atje.
-
Kujdes me arushët. Kontrolloni që sytë dhe hunda të jenë të qepura mirë dhe jo të ngjitura.
-
Dhe më e rëndësishmja nga të gjitha është që kur fëmija të hapë dhuratën të mund të luajë me ju. Kjo është dhurata më e bukur që mund t’i bëni.
Mos harroni se shpesh lodrat kthehen në një makth kur cënojnë sigurinë e fëmijës, prandaj mbi të gjitha ato duhet të jenë shumë të sigurta.
Lexoni edhe: Mesoni me shume per “rregullin e kater dhuratave”, aplikojeni per femijet tuaj
')}
Për të lënë një koment ju duhet të jeni regjistruar Identifikohu