Pavarësisht sa herë përpiqem t’i shpjegojë fëmijës se gjëja më e rëndësishme gjatë festave është të kalosh bukur, duke u argëtuar dhe duke luajtur, me familjen dhe miqtë, por sërish ai insiston se gjëja më e rëndësishme është shkëmbimi i dhuratave.

Ai është ende i vogël kështu që e kuptoj këndvështrimin e ti, por shpresoj që kur të rritet edhe pak ta kuptojë vertet që lumturia, pra gjëja më e rëndësishme nuk vjen e mbështjell në një kuti. Përtej kësaj çështje, duke u ndikuar edhe nga faktori ekonomik, bëmë një tentativë për të mbajtur nën kontroll shpenzimet tona gjatë festave duke adoptuar një traditë të re në familjen tonë.

Në vend se të blejmë një mal me lodra që ndoshta ai do t’i përdorë vetëm për 2 ditë, ne i bëjmë atij vetëm katër dhurata:- diçka që ai dëshiron, diçka që atij i duhet vërtet, një veshje dhe sigurisht një libër për ta lexuar. Nuk e kam idenë për origjinën e kësaj tradite por mësova për të nga interneti dhe që atëherë e adoptuam si një traditë të familjes sonë.

Këtu janë disa shpjegime për ta kuptuar më mirë se si funksionon kjo mënyrë.

Diçka që ai dëshiron

Kjo është dhurata që ai do të presë me padurim! Me siguri do të jetë një lodër, e zgjedhur nga lista e gjatë e lodrave që dëshiron por që në fakt do të jetë e vetmja që ai do të ketë, pra më e preferuara.

Diçka që vërtet i nevojitet

Nuk është nevoja t’i blini një palë çorape të ngrohta për dimër megjithëse kjo mund të jetë vërtet çfarë i duhet, por ju mund ta shfrytëzoni këtë mundësi për ta drejtuar fëmijën tuaj të merret me aktivitetet që pëlqen më shumë, ato sportive duke i blerë një top futbolli, basketbolli, etj, si edhe ato artistike duke i blerë ngjyra, bojra, etj.

Një veshje

Meqënëse jemi në kohë dimri kjo kategori nuk ka nevojë për shpjegim pasi atij me siguri do t’i duhen disa rroba të tjera për të qëndruar ngrohtë.
Diçka që ai dëshiron

Një libër për të lexuar

Edhe kjo është një tjetër kategori që më pëlqen shumë, pasi është e rëndësishme për zhvillimin e fëmijëve që ata të lexojnë dhe është detyra jonë si prindër të kujdesemi që ata ta bëjnë këtë gjë.

Lexoni dhe:Nese sillesh keq babagjyshi nuk te sjell dhurate! 

')}