Në cilësinë e gjumit të fëmijës do të ndikojnë disa zakone familjare por edhe besimi që nëna dhe babai kanë në aftësitë e tyre të prindërimit. Nëse fëmija fle pak në raste shumë të rralla duhet të mendohet për një problem që ka lidhje me një patologji të caktuar. Shpesh zgjimet e shpeshta gjatë natës lidhen me organizmin e ditës, nga stimujt që fëmija merr dhe së fundi edhe nga zakonet e të jetuarit të nënës dhe babait.
U krye një studim me gati 800 prindër
Një studim i ri i publikuar në revistën shkencore “Journal of sleep clinical medicine” i cili u kye nga studiuesit e Harvard medical school në Boston tregon se cilësia dhe kohëzgjatja e gjumit të fëmijës varet nga besimi që prindërit kanë në aftësitë e tyre prindërore. Në këtë studim morrën pjesë 790 prindër (më të shumtat nëna), orët e gjumit së të cilëve në përgjithësi ishin 7 orë për fëmijët dhe 9 orë për prindërit. U vu re se nëse fëmija do të flinte pak do të ndikonte edhe sjellja e prindërve.
Situata më e mirë kur prindërit flinin më shumë
Besimi i prindërve është ajo që e ndihmon fëmijën të ketë një gjumë më cilësor, por kjo nuk është e vetmja gjë me rëndësi. Ekspertët theksojnë se nëse prindërit do të flejnë 1 orë më shumë fëmija do të flejë rreth 10 minuta më shumë.
Të pasurit e zakoneve të mira të jetesës, një rutinë të përditshme, besim se po bëni gjënë e duhur me fëmijën tuaj do të bëjë që fëmija të flejë më shumë gjatë 24 orëve. Shpesh shqetësimet e gjumit të fëmijës lidhen me problemet emotive që nëna dhe babai mund të kenë. E përkedhelni apo i lexoni fëmijës para se të flejë, kjo do ta ndihmojë të ketë një natë më të qetë.
Lexoni edhe: 1 ne 4 femije vuajne nga crregullimet e gjumit…
')}
Për të lënë një koment ju duhet të jeni regjistruar Identifikohu