Ka shumë kohë që në media përflitet divorci i aktores Rudina Dmebacaj me bashkëshortin e saj Aleksin. Por, diçka e tillë as nuk ishte pohuar, as mohuar nga vetë çifti, deri ditën e sotme. Aktorja e humorit ka qenë e ftuar në programin “Wake up” ku përveç të tjerash është pyetur edhe për lajmet që qarkullojnë për të.

Për herë të parë, ajo rrëfeu se është në një proces divorci me të shoqin, që ka nisur që në muajin mars të këtij viti. Divorci i tyre është me mirëkuptim, siç rrëfen ajo vetë dhe mbi të gjitha vajza e tyre Viktoria nuk e vuan këtë ndryshim në jetën e prindërve.

“Ne jemi të dy prindër shumë të dedikuar dhe afër vajzës. Kur Viki do babin, rri me babin, kur do mamin, rri me mamin”,- ka thënë aktorja.

Megjithatë, ajo nuk e mohoi se divorci është periudhë e vështirë, duke e quajtur këtë kohë më të vështirën e jetës së saj, por ka zgjedhur të mbingarkojë veten me punë, për ta kaluar sa më lehtë.

“Të rrisësh një fëmijë kur je kaq e ngarkuar, ndërkohë të duhet të ndash kohën me babain nuk ka qenë e lehtë dhe gjatë periudhës së ngarkesës profesionale, ka pasur edhe trazime të forta emocioanle”, – rrëfeu me sinqeritet Rudina.