Prej dy ditësh tashmë, në gjithë rrjetin qarkullon skandali me vogëlushen pjesëmarrëse në një konkursen që zhvillohet në një prej televizioneve tona. Bëhet fjalë për një vogëlushe, e cila ka pasion kërcimin dhe anëtarët e jurisë i bëjnë pyetje të sikletshme lidhur me ushqimin. Ndër të tjera i thonë “Do e lije ushqimin për kërcimin”, dhe sikur të mos mjaftonin këto, qeshnin me çdo përgjigje të vogëlushes.
Videoja është bërë shumë shpejt virale dhe është shpërndarë nga figura të rëndësishme të botës së medias, të cilët kritikojnë gjuhën bullizuese të jurisë dhe ngrejnë zërin për masat që duhet të merren. Shumë kanë kërkuar vendosjen e gjobës për anëtrët e jurisë, për produksionin e televizionin, por minimumi një ndjesë publike për dëmin që i kanë shkaktuar.
Të gjithë njëzëri vënë theksin tek rëndësia që fjalët kanë në shëndetin mendor të fëmijëve të asaj moshe, si ndikon në vetëbesim dhe sa mesazhe të gabuara përcillen nga njerëzit që supozohet se duhet të ishin modelë për të luftuar kundër këtyre stigmave.
Për të lënë një koment ju duhet të jeni regjistruar Identifikohu