Ata që punojnë gjatë natës kanë më shumë gjasa të preken nga kanceri. Kjo u zbulua nga hulumtimi i botuar në Journal of Pineal Research dhe kryer nga Washington State University Health Spokane, i cili analizoi efektet e një ritmi të ndryshuar të gjumit e zgjimit në shëndet. Rezultatet treguan se ata që punojnë natën duket se janë më të ekspozuar ndaj rrezikut për t’u sëmurur.
Sistemi imunitar dobësohet
Hulumtimi përfshiu 14 vullnetarë. Mostra u nda në dy grupe. Të parit iu kërkua të kryente ritme normale të punës gjatë ditës, ndërsa i dyti iu nënshtrua ritmeve të punës së natës. Pas një jave, testet e gjakut treguan se punonjësit e natës kishin ndryshime në gjenet e ndryshme që lidhen me kancerin dhe në të njëjtën kohë, më pak aftësi të ADN-së për të riparuar vetveten. Praktikisht, sistemi imunitar i atyre që punojnë natën dobësohet dhe rrit rrezikun e prekjes nga sëmundjet.
Megjithatë, siç theksojnë studiuesit e universitetit amerikan, kërkohen hetime të mëtejshme për të kuptuar më mirë arsyet dhe mekanizmat që shkaktojnë këtë reagim dhe bëjnë që shumë njerëz që punojnë gjatë natës të sëmuren më shpesh. Ajo që duket e sigurt është se ekziston një lidhje midis ndryshimeve në orën biologjike dhe rrezikut të zhvillimit të kancerit.
Gjatë viteve janë kryer shumë studime në këtë drejtim, por larmia e qasjes dhe rëndësia e ndryshme që i jepet ritmit të ndryshueshëm të gjumit-zgjimit nuk na lejon të arrijmë në konkluzione të caktuara dhe të përbashkëta. Nevojiten studime më specifike.
Për të lënë një koment ju duhet të jeni regjistruar Identifikohu