Fëmija im vazhdimisht thith gishtin dhe jam e shqetësuar për dëmin që mund të shkaktojë kur t’i dalin të gjithë dhëmbët.

Për sa kohë që foshnja juaj e ndalon këtë veprim  para se t’i dalin dhëmbët e përhershëm, rreth moshës gjashtë vjeçare, thithja e gishtit nuk ka gjasa të shkaktojë dëme të përhershme. Sidoqoftë, në disa raste, thithja e gishtit mund të bëjë që dhëmbët e fëmijës të shtyhen para, në mënyrë që të ketë vend për gishtin.

Kjo mund të ndikojë në zhvillimin e nofullës dhe dhëmbëve. Në disa raste, mund të ndikojë edhe në zhvillimin e të folurit të fëmijës.

Është e natyrshme që të shqetësoheni, por jo gjithmonë thithja e gishtit ndikon në të njëjtën mënyrë te dhëmbët e fëmijës. Varet nga:

• sa intensivisht fëmija thith gishtin;
• sa kontakt ka gjuha me gishtin;
• prej sa kohësh e thith gishtin.

Kjo do të thotë se në qoftë se foshnja juaj thjesht e mban gishtin në gojë pa e thithur fort dhe intensivisht, ka më pak gjasa që të ketë probleme me dhëmbët.

Megjithatë, edhe pse dëmet nuk janë shumë të mëdha nga thithja e pakët e gishtit, sërish është mirë të përpiqeni ta ndërprisni këtë zakon të fëmijëve.

Lajmi i mirë është që fëmijët heqin dorë nga thithja e gishtit, sapo mësojnë mënyra të tjera për të ngushëlluar veten.

Lexo edhe: Me mire te thithe gishtin apo cucon?