Jo, fëmija juaj nuk ka nevojë për këpucë për të ndihmuar zhvillimin e këmbëve të tij, as për ta ndihmuar të qëndrojë apo të ecë.

Qëllimi i këpucëve është mbrojtja e këmbëve delikate të fëmijës suaj nga sipërfaqet dhe nga objektet e mprehta në tokë sapo të ecë jashtë. Këpucët gjithashtu mbajnë këmbët ngrohtë në të ftohtë dhe i mbrojnë ato nga nxehtësia.

Kur fëmija zbavitet rreth shtëpisë, lëreni zbathur. Kjo do të lejojë që këmbët të zhvillohen natyrshëm pa u kufizuar nga këpucët. Kockat e fëmijës suaj janë të buta, dhe t’i ngushtosh ato në një palë këpucë, shumë herët, mund t’i pengojë të rriten siç duhet.

Gjatë vitit të parë të fëmijës suaj, mbajtja e këmbëve të lira ndihmon në zhvillimin dhe arritjet e para të tij.

Kur të fillojë të ecë, fëmija e mëson më mirë ruajtjen e balancës nëse është pa këpucë, sepse ka kontakt të drejtpërdrejtë me dyshemenë.

Nëse moti është mjaft i ngrohtë, fëmija juaj do ta gjejë kënaqësi duke ecur në sipërfaqe të sigurta, të jashtme.

Lexo edhe: Kur t’i zgjedhim kepuce femijes dhe si t’i zgjedhim ato?