Nëse ditën e djeshme keni ndier tmerrin nga tërmeti në Tiranë dhe në të gjithë Shqipërinë, me siguri do ta vlerësoni më shumë gjestin e kësaj doktoreshe në maternitetin “Mbretëresha Gerldinë”.
Shumë bebe të shtruara në repartin e terapisë intensive, pas tërmeteve u zhvendosën në një ambient të katit të parë të SUOGJ. Por një bebe ishte e pamundur ta zhvendosej, pasi rrezikonte.
Një mjeke dhe dy infermiere kanë qëndruar pranë foshnjës së vogël në katin e katërt të maternitetit, pavarësisht lëkundjeve nga tërmeti.
“Pune heroike e personelit te SUOGJ” Mbreteresha Geraldine “ ne perballimin e emergjences shkaktuar nga termeti ! Te gjithe bebet e shtruara ne repartin e terapise intensive te neonatologjise u zhvendosen ne nje ambjent ne katin e pare per siguri maksimale. Vetem Nje beb qe ka lindur ne dt 18.09.19 me peshe 1850 gr, nuk duhej te zhvendosej , sepse rrezikonte.
Dr . Shaje Isufi se bashku me dy infermire te ketij sherbimi , kane ndenjur me te ne repart dhe e kane asistuar cdo moment , megjithe lekundjet e termetit. Mirenjohje per punen e gjithesecilit nga personeli te SUOGJ” Mbreteresha Geraldine” qe punuan me perkushtim. Kjo eshte shendetesia qe duam. Ne rradhe te pare humanizem , perkushtim dhe vetmohim.”shkruhet në njoftimin e spitalit.
Ndërsa këtë mëngjes, një nënë e re, Sabina, e cila ka sjellë në jetë bebin e saj Emily në orën 03:40, shprehet tejet falenderuese e mirënjohëse që stafi u kujdes për të pavarësisht lëkundjeve që nuk rreshtën.
8 lindje ka pritur stafi nga momenti që nisi tërmeti i parë e deri tani kur lëkundjet s’kanë të ndalur.
Ndoshta ky është momenti kur duhet t’i falenderojmë më shumë ata që përpiqen për të na shpëtuar jetën çdo ditë.
Për të lënë një koment ju duhet të jeni regjistruar Identifikohu