Vendos telefonin në karikim në banjo, mbetet e elektrizuar
Një dramë ka ndodhur në Rusi, ku një vajzë shumë e re ishte viktimë e një aksidenti të tmerrshëm dhe të pashpjegueshëm. Një pakujdesi e vogël i ka kushtuar jetën 15-vjeçares, e cila ka hyrë për të bërë dush. Ajo ka vendosur iPhonin e saj në karikim në banjë dhe në një kohë të shkurtër telefoni ra në vaskë.
Aksidenti i tmerrshëm
Irina u gjet e vdekur nga të afërmit, të alarmuar për sa kohë që vajza e re kishte mbetur në banjo. Vajza kishte fituar kampionatin rus të të rinjve për artet marciale vetëm dy muaj më parë dhe ishte përzgjedhur nga ekipi kombëtar i vendit të saj.
Arsyeja e vdekjes
Si ishte e mundur një vdekje e tillë? Kjo u shpjegua nga Yury Agrafonov, kreu i departamentit radio-elektronik të Universitetit Shtetëror Irkutsk, i cili theksoi se telefoni i ngarkuar, duke rënë në ujë, shkaktoi një qark të shkurtër.
“Nëse iPhone nuk kishte qenë i lidhur me sistemin elektrik, tragjedia nuk do të kishte ndodhur”, – theksoi eksperti.
Nuk është hera e parë që një telefon i ngarkuar shkakton viktima. Më 20 nëntor, një tjetër vajzë e re vdiq nga elektroshoku nga iPhoni që kishte lënë në karikim ndërsa flinte.
Lexo edhe: Karikuesi i telefonit, me i rrezikshem nga sa e kishit menduar me pare!
Për të lënë një koment ju duhet të jeni regjistruar Identifikohu