Higjena e hundës së fëmijës është shumë e rëndësishme, kjo pasi bebet e vogla nuk janë në gjendje të nxjerrin jashtë sekrecionet duke bërë që ata shpesh ta kenë frymëmarrjen të bllokuar. Në këtë rast mund t’ju vijë në ndihmë një sprai nazal i cili mund të jetë:
- Nebial 3%. Ai vepron mbi mukozat nazale duke pastruar ato nga mukusi i tepërt, pra nuk ka vetëm funksion shkrirës. Është ideali për t’u përdorur kryesisht gjatë gjendjeve gripale të fëmijës, rinitit alergjik si edhe sinozitit.
- Tonimer lab baby. Është një solucion me bazë ujin e detit dhe pH lehtësisht alkalin. Ai mund të përdoret tek bebet dhe fëmijët për pastrimin e përditshëm të mukozave nazale. Ai mund të përdoret edhe nëse sekrecionet janë tharë brenda hundës në rast gripi.
- Sterimar baby. Është një solucion që mund të përdoret në rast se hunda e fëmijës është e bllokuar, ka sekrecione të thata ose është e irrituar gjatë një gripi apo alergjie. Ky sprai mund të përdoret që nga lindja. Ai zbut dhe largon mukusin duke e bërë fëmijën të marrë frymë lirisht. Këshillohet të përdoret kryesisht para gjidhënies dhe gjumit.
Pas përdorimit të secilit prej produkteve të mësipërme, hunda e fëmijës duhet të lahet me ujë të vakët.
Për të lënë një koment ju duhet të jeni regjistruar Identifikohu