Në momentin që nëna shikon se lëkura e fëmijës është skuqur fillon të mendojë për shkaqet e kësaj, problem i cili nuk mund të prekë vetëm zonën e bebelinës. Dhe e dini se çfarë mund të shkaktojë një problem të tillë?

1. Ka fëmija juaj temperaturë? Masni temperaturën e fëmijës. Nëse është mbi 38.5 duhet të kontrolloni nëse fëmija ka fruth.
2. Si është gjendja e përgjithshme e fëmijës? Nëse duket i zbehtë dhe i djersitur shikoni mos është dehidratuar.
3. E keni bërë provën e gotës? Vendosni fundin e një gote mbi një pjesë të skuqjes. Nëse skuqja duket atëherë duhet të shkoni për vizitë tek mjeku.
4. A ushqehet mirë? Nëse fëmija refuzon ushqimin ka shumë mundësi të mos ndihet mirë, dhe për pasojë të përjetojë një skuqje të lëkurës.
5. Si duket urina dhe feçja e fëmijës? Kontrolloni shpesh bebelinën e fëmijës. Nëse ushqehet normalisht duhet të lagë mbi 6 bebelina në ditë.
6. Është shumë i nxehtë? Nëse barku i fëmijës është shumë i nxehtë duhet të provoni t’i hiqni disa rroba nga trupi.
7. E keni nderruar mjaftueshëm fëmijën? Nëse bëhet fjalë për një skuqje në zonën e bebelinës duhet të pyesni veten nëse e keni ndërruar mjaftueshëm fëmijën tuaj. Nëse ndodh diçka e tillë duhet ta lini për pak kohë lëkurën e fëmijës të ajroset pa bebelinë si edhe të përdorni krem me oksid zinku.
8. Keni ndërruar një nga produktet e fëmijës? Lëkura e fëmijës është delikate dhe mund të ndodhë që nëse ndryshoni një nga produktet me të cilat lëkura e tij është mësuar, ose nëse produktet përmbajnë aromë, mund të irritohet dhe skuqet.

Lexoni edhe: Pse fëmija ka skuqje dhe flluska në lëkurë?