Në një intervistë në emisionin “Ditë e re”, përfaqësuesja e komunitetit LGBT, Xheni Karaj tregoi për herë të parë planet e saj dhe të partneres për t’u bërë me fëmijë.

Xheni tha se të dyja dëshirojnë të bëhen prindër përmes insiminimit artificial. Ajo shkoi më tej duke treguar se një mundësi dhuruesi është miku i saj, Kristi Pinderi, por janë ende duke diskutuar.

“Ka mënyra të ndryshme. Nuk është ide e keqe edhe adoptimi sepse ka shumë fëmijë që kanë nevojë për familje dhe dashuri. Ne faktikisht dëshirën e kemi ta bejë ose unë ose Livia ose të dyja me inseminim artificial. Kemi shumë miq të afër që mund të jenë donatorë. Kristi është një nga personat që mund të jetë kandidat e kemi menduar si opsion.

Kjo gjë ëshë në planet tona të afërta, jemi duke e diskutuar. Tani kemi dhe një çift shoqesh që janë duke e provuar insiminimin dhe të shohim si do shkojë me to.”- u shpreh Xheni.

“Ku ka gjë më të bukur se të rritet nga tre aktivistë!”- përfundoi ajo.