Pavarësisht sesa përpiqemi t’i mirëedukojmë fëmijët tanë, t’i mësojmë të jenë paqësorë e të menaxhojnë ndjenjat dhe emocionet, të gjithë prindërit të paktën njëherë janë përballur me sjellje agresive të fëmijëve.

Një shfaqje e tillë ka shumë arsye përse ndodh, por ajo që duhet të bëjmë, është të përpiqemi t’i qetësojmë dhe t’i nxisim të kenë reagime më të qeta.

Për të zbutur reagimet agresive të fëmiëjve, na vjen në ndihmë psikologia Lorela Garuli, përmes disa këshillave praktike se si duhet të reagojmë ne si prindër.

Strategji ndihmëse për zbutjen e agresionit tek fëmijët nga psikologia Lorela Garuli:

• Ndihmo fëmijën të mësojë të shprehet duke emërtuar emocionet. Për shembull duke i thënë: Unë mund të them/kuptoj që je vërtet i zemëruar tani.
• Identifiko modelet e fëmijës dhe shkaktarët e sjelljes.
• Jepini paralajmërime për ndryshimet e papritura.
• Gjeni shpërblime të përshtatshme. Mos u përqendroni në shpërblimet monetare apo materiale. Provoni shpërblime sociale (për shembull një kohë e kaluar në një vend apo aktivitetin e preferuar, shëtitje, shikimi i një filmi etj) ndihmojnë në këtë përballje.
• Ruaj qetësinë.
• Pëpriquni të modeloni rregullimin emocional për fmëijën tuaj duke shprehur qetësi në atë çfarë i thoni apo sugjeroni.
• Mos tregoni zemërim apo sjellje agresive.