Dita e diel ishte Dita Botërore e Shëndetit Mendor dhe shumë nisma janë ndërmarrrë me rastin e kësaj dite për të ndihmuar të gjithë personat e prekur nga sëmundje të tilla si dhe për të normalizuar gjithë tematikën që lidhet me to.
Këngëtarja Ariana Grande zbuloi se do të dhurojë pesë milionë dollarë për terapi psikologjike falas në bashkëpunim me organizatën Better Help.
Ajo e ka bërë njoftimin në profilin e saj në Instagram, duke bërë thirrje për të gjithë ndjekësit që t’i kushtojnë rëndësi shëndetit mendor.
“Edhe pse ky është vetëm një gjest i vogël, unë doja të ri-angazhohesha me Better Help me shpresën se do të siguronim qasje në trajtim për më shumë njerëz dhe ndoshta do të frymëzojmë disa prej jush që të provojnë diçka të re dhe t’i japin përparësi shëndetit tuaj mendor,” ka shkruar Grande.
Të interesuarit për këtë ofertë do të marrin terapi falas për një muaj dhe do të kenë mundësi të vazhdojnë terapinë me Better Help me 15 përqind zbritje për muajin e ardhshëm.
Për të lënë një koment ju duhet të jeni regjistruar Identifikohu