Tashmë me siguri keni filluar të lexoni dhe dëgjoni udhëzime të ndryshme, këshilla në lidhje me veshjen, në lidhje me lojrat që mund të bëni me fëmijët tuaj për Halloween, duke qënë se kjo festë po afron.
Por cili është kuptimi i kësaj feste?
Për të gjetur kuptimin e kësaj feste duhet ta kthejmë kalendarin pas rreth 2000 vite, në ato vite kur festohej festa e “Samhain” nga keltët në Britaninë e Madhe dhe Irlandën antike. Fillimet e nëntorit konsideroheshin si fundi i stinës së verës, koha e kthimit të kopeve nga kullotat si edhe koha e kultivimit së të mbjellave. Ishte pikërisht kjo periudhë që konsiderohej edhe si momenti kur të vdekurit ktheheshin tek të afërmit e tyre për t’i vizituar.
Në këtë rast keltët shkonin në të gjitha shtëpitë duke mbledhur ëmbëlsira për të nderuar të vdekurit, dhe me kalimin e viteve ndryshonin disi edhe ritualet. Kohë më vonë, popullsia filloi të ndizte edhe zjarre në kodrat ndërsa në SHBA filluan të ndizeshin edhe zjarre brenda kungujve. Njerëzit ishin bërë shumë supersticiozë, e mendonin të përfaqësonin me anën e kungujve demonët që duhej të përziheshin nga qyteti. Në këtë periudhë filloi edhe të përhapej fenomeni i maskimit të njerëzve.
Ishte Papa Bonifaci IV që caktoi një ditë për të festuar këtë festë dhe do të ishte pikërisht nata mes 31 tetorit dhe mëngjesit të 1 nëntorit. Pra festa pagane e Samhain, u transformua në një mundësi për të nderuar shpirtrat e të vdekurve duke e vazhduar traditën me ndezjen e qirinjve dhe zjarreve.
Po në vendin tonë?
Kjo festë tashmë festohet edhe në Shqipëri. E madje është një festë që po merr gjithmonë e më shumë përmasa të mëdha. Është një festë që i përket më tepër fëmijëve, por që nuk ka mundur të mbajë larg edhe të rriturit. Në vendin tonë festohet disi ndryshe. Nëse në shumë vende të botës prindërit shoqërojnë fëmijët në shtëpitë e lagjes me kostume të frikshme për të mbledhur karamele dhe ëmbëlsira, duket se tek ne festohet edhe në bare të ndryshme duke pirë një pije nën ritmet e muzikës qoftë ajo e “frikshme” apo jo.
E festoni Halloween-in? Nëse po cila është mënyra, pra duke ju përmbajtur “rregulave’ të vjetra të festës apo duke festuar me shoqërinë në bare të ndryshme?
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu