Një nga personazhet më të përfolur të showbizit botëror Paris Hilton është gati të bëhet nënë. Ditën e martë, ajo u shpreh se së bashku me partnerin e saj, Carter Reum janë në hapat e parë konkretë të nisjes së prindërimit.
39-vjeçarja Paris Hilton i është nënshtruar procesit të fekondimit in Vitro, me mbështetjen maksimale të të dashurit të saj, biznesmenit Reum. Ajo ka rrëfyer se fertilizimi in vitro ishte e vetmja mënyrë që ata të kishin binjakë, saktësisht një vajzë dhe një djalë.
Ka qenë pikërisht mikesha e saj Kim Kardashian, që solli në jetë dy fëmijë përmes një nëne surrogat, që i tregoi gjithçka rreth fekondimit në fjalë.
“Nuk dija asgjë rreth tij. Jam shumë e lumtur që më dha këtë këshillë dhe më çoi te një specialist”- është shprehur Paris.
Tashmë, Hilton e ka përfunduar procesin e marrjes së vezëve.
“Ishte e vështirë, por e dija që do t’ia vlente. E bëra disa herë. Fakti që e realizova si procedurë në paninë e Reum-it, një partner kaq mbështetës më bën të ndjehem si princeshë gjatë gjithë kohës”.
Për të lënë një koment ju duhet të jeni regjistruar Identifikohu