Dy personazhe shumë të dashur kanë qenë të ftuara dje në emisionin e pasdites të moderatores Rudina Magjistari. Bëhet fjalë për një tjetër moderatore, Aulona Mustën e cila këtë herë ishte së bashku me të bijën 4-vjeçare Amarën.

Gjatë një bashkëbisedimi shumë të këndshëm, të dyja moderatoret ndanë momente dhe detaje nga jetët e tyre si nëna.

Aulona tregoi se dëshiron që Amara të rritet si një fëmijë i shëndetshëm në të gjitha kuptimet, si fizik ashtu edde emocional e shpirtëror, pro nga ana tjetër, përpiqet shumë të ruajë një balancë mes dashurisë dhe disiplinës. Si formën më të shpeshtë ndëshkimit, Aulona tha se përdor lënien e Amarës në dhomën e saj ose i heq mundësinë për të parë programet e preferuara në televizor.

Por ajo nuk përjashtoi as mundësinë e ngritjes së zërit, ose ndonjë shpullë shumë të lehtë, në raste të rralla, kur fëmijët janë shumë të pabindur, duke u përpjekur kështu të qetësojë edhe nënat e tjera të cilat ndihen fajtore kur ndëshkojnë fëmijët e tyre.

Në këtë moment, prezantuesja e programit, Rudina Magjistari ka ndërhyrë në bisedë, duke treguar detaje për jetën e saj me të bijën Mia.

“Unë këtë gjë se kam bërë kurrë. Deri tani asnjëherë dhe nuk besoj se do e bëj kurrë, më duket sikur e fyej. Megjithatë duhet të falënderoj bashkëshortin, i cili ka qenë i praanishëm aty në çdo moment dhe sa herë që unë e kam humbur durimin është marrë ai me vajzën”, – tregoi Rudina Magjistari.

Lexo edhe: Mia “luleqingji” grimon Rudinen