Nëse keni marrë tashmë pushimet dhe nuk dini se si ta bëni fëmijën tuaj të argëtohet, gazetarja Aulona Musta ju jep një nga idetë më të mrekullueshme.

Ajo është duke pushuar me bashkëshortin dhe vajzën e saj Amarën, ndërsa ata të dy kanë gjetur një mënyrë shumë të bukur për t’u argëtuar por edhe për të forcuar marrëdhënien babë e bijë.

Gazetarja tregon se burri i saj i tregon vajzës çdo ditë në orën 12:00 nga një përrallë dhe ajo mezi e pret këtë orar.

“Amara dhe Tomi kane krijuar nje ritual keto pushime. Cdo dite, ne oren 12.00, ulen nen hije dhe Tomi i tregon nje perralle me seri. Per mua eshte momenti me i bukur i pushimeve. Te shoh Amaren qe mezi pret te vije ora 12.00 (nis te pyesi per oren qe ne 7.00 kur hap syte) 🤣🤣🤣 dhe te shoh Tomin se si impenjohet te tregoje nje perralle qe te kete fantazi brenda, por edhe fakte dhe ngjarje historike, qe edhe t’i mesoje ndonje gje, ma mbush zemren me lumturi. Ky moment, eshte njeri nder shume momentet qe sherbejne per te forcuar edhe me shume lidhjen dhe marredhenien babe e bije dhe qe per mua jane thelbesore ne rritjen e nje femije te shendetshem dhe te lumtur.
Sepse perrallat nuk jane vetem ekskluzivitet i nenave. Sepse femijet kane nevoje per te kaluar kohe cilesore me baballaret, po aq sa me nenat”, shkruan gazetarja, duke e shoqëruar me një foto të atyre të dyve.