Vera Sahatçiu, nëna e këngëtares shqiptare me famë botërore Rita Oras, ka bërë modelen në një set fotosh me bikini.

55-vjeçarja, e kaloi kancerin e gjirit në vitin 2005, kur ishte vetëm 39 vjeç tha se po përpiqet të ndihmojë gratë të ndihen tërheqëse pas trajtimeve për sëmundjen e rëndë.

Për fat të mirë ajo ka bërë vetëm një mastektomi pasi e kapi në një fazë shumë të hershme.

“Unë nuk dua të jem në qendër të vëmendjes, punoj si mjeke dhe në përditshmërinë time nuk i kam të rregulluara flokët apo make up-in të kuruar. Por nëse ndihmoj qoftë edhe një grua që po kalon trajtimet e kancerit të gjirit, atëherë do e ndieja se ia vlen të kaloj mbi veten time për këtë qëllim”, ka treguar ajo.

Vera është mjeke e specializuar në shëndetin psikiatrik dhe ushtron profesionin e saj në Londër. Ajo është larguar së bashku me familjen në Angli nga Kosova, kur Rita ishte vetëm një vjeçe.

Ndërkohë mediat britanike kanë risjellë në vëmendje deklaratën e 5 muajve më parë të Verës, e cila deklaroi se e bija Rita, duhet të vishet pak më shumë.

“Duhet të bëjmë disa biseda nënë e bijë”- tha 55-vjeçarja, nëna e këngëtares – “rreth veshjeve të saj të zjarrta dhe fushatave ku reklamon e zhveshur. Ajo duhet të mbajë disa rroba veshur.”