Ditën e sotme, këngëtarja Barbana Dini ka nxjerrë videokplimin e saj më të ri, që është bashkëpunimi i parë dhe i fundit me vëllain e saj të ndjerë, Ergi Dinin. Kënga është publikuar sot, pikërisht në ditën e lindjes së Ergit, i cili do të festonte sot 25-vjetorin.
Kënga ka qenë gati para se këngëtari të ndërronte jetë dhe vetëm 3 vite pas largimit të tij, ajo mundi ta përfundonte e ta pulbikonte këtë këngë.
Sot ajo ka qenë e ftuar në programin “Rudina”, për herë të parë së bashku me të atin, i cili ka folur për dhimbjen e madhe që la pas largimi i Ergit.
“Ai na merrte në telefon çdo ditë, ishte shoku më i mirë i gjithë familjes. Ka momente që unë ende nuk e pranoj që ai ka ikur, mendoj se është në Tiranë dhe në të dhjetën e sekondës bëhem gati ta telefonoj, pastaj kujtohem… Do të ishte mirë që ikjet të ishin me radhë siç thotë populli, por të jetoj unë e të më ketë ikur djali është e dhimbshme”, – thotë i pikëlluar poeti e gazetari Dashamir Dini me lotë në sy.
Të pyetur për mënyrën si e përkujtojnë datën e rëndësishme të lindjes së Ergit, ata thanë se nuk mund të ketë festë në familjen e tyre, por përpiqen të zbusin dhimbjen duke kujtuar gjithçka u dha Ergi sa ishte gjallë dhe kitara e fotot e Ergit janë gjithmonë të pranishme në ambientet e tyre familjare.
Për të lënë një koment ju duhet të jeni regjistruar Identifikohu