Në një intervistë ndryshe nga herët e tjera, Adrola Dushi ka nxjerrë në pah anën e saj më emocionale. Sigurisht që pika e saj e dobët dhe e fortë njëkohësisht është i biri Troi, për të cilin ajo thotë se ia ka sjellë Zoti për të mbajtur atë në jetë.

Mirëpo, jeta e ndarë mes Amerikës dhe Shqipërisë, ka pasur vështirësitë e saj në marrëdhënien nënë e bir. Adrola rrëfen një moment kur ishte larguar për në SHBA, 2 javë përpara ditëlindjes së Troit dhe ky i fundit i ishte lutur shumë të qëndronte, duke i thënë disa herë “Mami, mos ik”. Modelja rrëfen se për të ka qenë një ankesë e djalit si gjithë herët e tjera dhe nuk ia kishte vënë veshin, mirëpo më pas i treguan se pas ikjes së saj ai nuk hynte më në shtëpi dhe qante e ulërinte.

Dy javë më vonë, Adrola u kthye për të festuar ditëlindjen e Troit dhe e ka gjetur atë me gjithë njerëzit e tij të afërt. Sapo ajo ka hyrë, i biri vetëm e ka parë dhe nuk i është afruar e nuk i ka folur.

Gjatë rrëfimit, Adrola shpërthen në lotë dhe thotë se refuzimi i djalit të saj i ka dhembur në zemër.