Këngëtari i njohur Ledri Vula dhe partnerja e tij Sara Hoxha janë në pritje të fëmijës së tyre të parë, e cila do të vijë në jetë shumë shpejt.

Edhe pse ende nuk e ka bekuar jetën e prindërve të saj, Ledri ka treguar në një intervistë të pak ditëve më parë, se ajo që tani ka ndryshuar jetën e tyre.

Ajo që shohim në Instagramin e Sarës është ana e bukur, që mund të ekspozohet në rrjete sociale dhe me të drejtë ndjekëseve u lind pyetja nëse edhe Sara ka shqetësimet e zakonshme të shtatzanisë si çdo grua tjetër.

“A ta bëj një pyetje këshu shqetësime shtazanie ke ti? Zot na ruaj, ne vdiqëm të shkretët, të vjella, vapë, siklet, ankth, preokupim sa herë bëjmë ekografi dhe analiza. Ça me të thonë ishalla qofsh si ne foto”- i shkruan një ndjekëse, ndërsa Sara i kthen këtë përgjigje:

“Kam si jo. Mesi më këputi fare (ndonjëherë mezi eci dhe çohem nga krevati), për analizat mos më fol se stresi dhe qejfi më i madh aty qenkan bashkë, vapë sa të duash… por nuk i kap aparati fotografik këto edhe s’ka pse. Bëjmë foto për qejf, jo për hall. Të uroj shtatzani sa më të lehtë”.