Këngëtari Kastro Zizo, të cilin së fundmi e kemi parë edhe si moderator, pak ditë më parë është bërë baba për herë të tretë. Partnerja e tij ka sjellë në jetë një djalë, i cili quhet Dante.

Lindja e vogëlushit Dante, ose princit, siç e quan Kastro, përkoi me periudhën e karantinës, kështu që ai ka pasur gjithë kohën e nevojshme për ta shijuar me të birin.

Kastro Zizo ka postuar një foto në Instagram, ku shfaqet pranë djalit të tij, i cili mesa duket po fle, por edhe pranë qenushit të tij Bubi.

“Aromë dashurie” ka shkruar Kastro, duke shprehur gjithë lumturinë që po jeton në këtë kohë të jetës së tij.

Kastro ka edhe dy fëmijë të tjerë nga marrëdhëniet e tij të mëparshme: djalin Dankan 14 vjeç, si dhe një vajzë Nia, e cila jeton në Prishtinë.