Një nga figurat më të dashura të ekranit, Jonida Vokshi ka disa kohë që ka gëzuar fansat e saj me lajmin se në qershor të këtij viti do të bëhet nëna e një vajze.

Edhe pse fillimisht ajo u mundua ta mbajë lajmin të fshehtë, herë pas here tani po zbulon detaje për publikun.

Në një intervistë së fundmi Jonida tha se e kanë gjetur emrin e vogëlushes, por nuk do ta tregojë derisa ajo të lindë.

Megjithatë, për të gjithë kuriozët, moderatorja zbuloi se emri do të ketë tri shkronja, do të jetë lehtësisht i shqiptueshëm dhe një emër ndërkombëtar.

Përsa i përket planeve pas lindjes, Jonida tha se do të rikthehet menjëherë në ekran për të vazhduar punën.